Жанды кездесулер – нақты мүмкіндіктер
«АлЭС» АҚ студенттермен тікелей қарым-қатынас жасауға және мамандыққа ерте тартуға баса назар аудара отырып, ЖОО-мен тәжірибелік өзара әрекеттесуді күшейтеді. Ашық диалог форматы компанияны таныстырып қана қоймай, жастардың энергетикадағы жұмыс туралы шынайы түсінігін қалыптастыруға мүмкіндік береді.
Сәуір айының ортасында АлЭС өкілдері Әл-Фараби атындағы Қазақ ұлттық университетінің алаңында «Mansap+» Бос орындар жәрмеңкесіне қатысты. Кадрлар бөлімінің бас маманы Динара Қанатаева мен кадрларды даярлау жөніндегі инженер Жұлдыз Баймұхамбет жұмысқа орналасу мүмкіндіктері, тәжірибе және тағылымдама бағдарламалары, сондай-ақ жас мамандарға қойылатын талаптар туралы айтып берді.
Ресми формат демде мағыналы әңгімеге көшті. Студенттерді тек жұмыс орындары ғана емес, сонымен қатар нақты жұмыс ортасы, тәлімгерлік, өсу мүмкіндіктері қызықтырды.
– Балалардың нақты сұрақтар қоюы маңызды – бұл олардың кәсіби тұрғыдан ойлайтынын білдіреді. Біз шынайы қызығушылық пен дамуға дайындықты көріп отырмыз, – деп атап өтті Динара Қанатаева.
– Мұндай кездесулер студент пен жұмыс беруші арасындағы кедергіні жоюға көмектеседі. Біз талаптар, мүмкіндіктер мен нақты міндеттер туралы барынша ашық айтуға тырысамыз, – деп жалғастырды Жұлдыз Баймұхамбет.
Іс-шараға қатысу қорытындысы бойынша АлЭС қызметкерлері ұйымдастырушылардың алғыс хатымен марапатталды.
30 сәуірде «Career Day 2026» Бос орындар жәрмеңкесі Қазақ ұлттық аграрлық зерттеу университетінде өтті. Оған Жұлдыз Баймұхамбет және Қызметкерлерді дайындау бөлімінің жетекші маманы Гаухар Темірова қатысты. Кездесу барысында студенттерге компанияның құрылымы, өндірістік алаңдары мен қызмет бағыттары таныстырылды, сондай-ақ кәсіби даму мүмкіндіктеріне егжей-тегжейлі тоқталды.
– Біз студенттер сұранысының қалай өзгеретінін көріп отырмыз: бүгінде олар үшін тек жұмысқа орналасу ғана емес, өсудің түсінікті бағыты маңызды. Біз оны көрсетуге дайынбыз, – деп атап өтті Гаухар Темірова.
Жеке блок білім беру мүмкіндіктеріне арналды: бейіндік бағдарламалар мен тағылымдамаларға қатысу. Студенттер мансап құру бойынша тәжірибелік ұсыныстар алды – түйіндемені дайындаудан бастап кәсіби бағытты таңдауға дейін.
Қатысушылар тарапынан кері байланыс осындай форматтың қажеттілігін растады:
– Кездесуден кейін қайда бару керек және қандай дағдылар қажет екендігі белгілі болды. Бізге жұмыскерге қойылатын талаптар туралы шыншылдықпен айтқаны ерекше құнды, – деп бөлісті студенттердің бірі.
– Бұрын энергетика күрделі және алыс сала болып көрінген, ал қазір бұл нақты және қызықты мамандық деген сезім пайда болды, – деп атап өтті кездесуге қатысушы.
Студенттермен тікелей өзара әрекеттесу тәжірибесі АлЭС үшін тұрақты жұмыс бағытына айналады. Бұл тәсіл тек кадрлық резервті ғана емес, сонымен қатар әр мамандық үшін аймақтың тұрақтылығы мен дамуы үшін жауапкершілік жүктелетін салаға саналы қызығушылықты қалыптастыруға мүмкіндік береді.