Теория шынайылықпен ұштасқанда: SDU студенттері Ш.Шөкин атындағы Қапшағай ГЭС-те

Мамандықтың нақты мағынасын қалай түсінуге болады? Күн сайын үйреніп жүрген нәрселердің ауқымы мен маңыздылығын қалай сезінуге болады? Жауап бір – барлығын өз көзіңізбен көру. SDU Университетінің студентері «Физика-информатика» оқу бағдарламасының аясында 2025 жылғы 22 мамырда Ш.Шөкин атындағы Қапшағай ГЭС-ке барып, дәл осындай мүмкіндікке ие болды.

Көбісі үшін бұл шынайы энергетикалық объектімен алғашқы танысу болды. Экскурсия қауіпсіздік техникасы бойынша міндетті нұсқамадан басталды. Содан кейін – станция аумағы бойынша қызықты бағдар: жабдықтар, басқару залдары, турбиналар – және осының барлығы жұмыс үстінде.

– Біз физика, информатика, энергетика пәндерін оқимыз, бірақ тек ГЭС-те бұл білім салмақ, дыбыс және қозғалысқа ие болды. Су энергиясының электр энергиясына қалай айналатынын көру – баға жетпес тәжірибе, – дейді Аружан Жолдасбаева.

Станция қызметкерлері жай ғана көрсеткен жоқ – бөлісті. Олар процестер, терминология, технологиялық нюанстар туралы айтты. Олар мұны тіпті ең қиын нәрселер де түсінікті болатындай етіп жеткізді.

– Бұл жай ғана экскурсия емес еді. Бұл диалог болды. Біз сұрақтар қойып, нақты, кәсіби, ең бастысы – бізге түсінікті жауаптар алдық, – деп өз әсерімен бөлісті Жания Қасым.

– Мен оқып жатқанымыздың қаншалықты маңызды екенін көрдім. Бұл шабыттандырады. Енді оқу мүлдем басқаша қабылданады – оның қайда апаратынын түсінемін, – деп атап өтті Самат Еламанов.

Мұндай экскурсиялар – аудитория шекарасынан шығу ғана емес. Бұл болашақ мамандыққа қадам. Ш.Шөкин атындағы Қапшағай ГЭС студенттердің жүрегінде жаңа білім ғана емес, сонымен бірге энергетикаға өмірлік іс ретінде құрмет қалдырды.

«АлЭС» АҚ білім сабақтастығын қолдай отырып, жас мамандарға есік ашуды жалғастыруда.