Энергетика саласына 40 жылдан астам қызмет және берілгендік
2024 жылғы 20 мамырда «АлЭС» АҚ 40 жылдан астам өмірін саланы дамытуға және қалыптастыруға қатысқан энергетикадағы төрт майталманды зейнеткерліккке шығарып салды. Олар Газий Исмухамбетов, Исахан Сырғабаев, Владимир Шмелев және Ренат Жангуттин өз мансабын Алматы 2-ЖЭО және 1-ЖЭО-да бастап, энергетика саласындағы адалдық пен кәсібиліктің символына айналған тұлғалар десек артық айтпаймыз.
Энергетика ардагерлері өздерінің еңбек жолдары туралы естеліктерімен бөлісті. Олар үшін энергетикадағы жұмыс тек мамандық емес, өмір салты болды. Исахан Сырғабаев өзінің еңбек күндері міндеттер мен қиындықтарға толы болғанын, демалыста жүрсе де қоңыраулар мен мәселелерді шешуді маза бермегенін айтып еске алды. Алайда, барлық қиындықтарға қарамастан, ол АлЭС-те өткізген жылдарын, әсіресе әріптестерімен рухани қарым-қатынас пен бірге өткізген демалыстарын сағына еске алады. Владимир Шмелев Алматы 1-ЖЭО-дегі өзінің алғашқы жұмыс күні туралы айтып еске түсірді. Ол әрбір ұрпақ энергетиканың дамуына өз көзқарасын, көзқарасын енгізетінін атап өтті.
Салтанатты рәсімде әріптестер мен басшылар ардагерлерге АлЭС пен Қазақстанның энергетикасын дамытуға қосқан баға жетпес үлесі үшін алғыс білдірді. «АлЭС» АҚ Басқарма төрағасы Ерік Маширов барлық қызметкерлердің атынан ардагерлердің үлесі орасан зор екенін және олардың қолдауы компанияның табысты жұмыс істеуі үшін әрқашан қажет екенін атап өтті.
Газий Жұмабайұлы Исмухамбетов Алматы энергетика институтын инженер-электрик мамандығы бойынша бітірген. Бітіргеннен кейін жоғары кернеулі техника кафедрасының инженері болып жұмыс істеді. Үш фазалы басқарылатын реакторлар бойынша екі авторлық куәліктің тең авторы болып табылады. Алматы 2-ЖЭО-де Газий Жұмабайұлы еңбек жолы 1986 жылы бастады. Мұнда ол кезекші электромонтерден станцияның ауысым бастығына дейін көтерілді. 2002-2007 жылдары Газий Жұмабайұлы «АӨК» АҚ орталық диспетчерлік қызметінде еңбек етті. Диспетчерден оның бастығына дейін көтерілді. Содан кейін бес жыл «АлЭС» АҚ бас инженерінің орынбасары, кейін бас инженер болып жұмыс істеді. 2013 жылдан бастап Газий Жұмабайұлы алты жыл Өндіріс жөніндегі басқарушы директор – Бас инженер, кейін «АлЭС» АҚ Басқарма төрағасының өндіріс жөніндегі орынбасары болып жұмыс істеді.
3-ЖЭО директоры Бауыржан Қалиев Газий Жұмабайұлы туралы жеке естеліктерімен бөлісті. Газий Жұмабайұлы ол үшін әрдайым өндірістегі әкесі ретінде тәлімгер болғанын және қиын сәттерде қолдау көрсеткенін атап өтті. Мұндай адамдар бүкіл салаға үлгі болмақ.
Даму және құрылыс жөніндегі басқарушы директор Дәурен Сағидулла аға буын әрқашан жас мамандарға үлгі болғанын атап өтті. «Газий Жұмабайұлы маған ойды жеткізуде қысқалық пен дәлдікті үйретті және әрқашан көмекке келуге дайын болды. Энергетикада өзара көмексіз мүмкін емес», – деді Сағидулла бірлесіп жұмыс істегені күндері үшін алғысын білдіріп.
Исахан Ақтанұлы Сырғабаев Алматы энергетикалық институтын бітіргеннен кейін еңбек жолын 1983 жылы мамырда А.Жақұтов ат. 2-ЖЭО-да қазандық цехында слесарь болып бастаған. Отын ұнтақтайтын диірмен машинисінен қазандық цехы бастығының орынбасарына дейін өтті. 2005 жылғы сәуірден 2007 жылғы ақпанға дейін Алматы 2-ЖЭО бас инженері болып қызмет еткен. «АлЭС» АҚ құрылғаннан кейін Б. Оразбаев ат. 1-ЖЭО Басқарушы директоры және БЖК Басқарушы директоры болып жұмыс істеді.
Ш.Шөкин ат. Қапшағай ГЭС директоры Мұрат Кәрімов энергетика бәрі бір-бірін білетін үлкен отбасы екенін атап өтті. Ол әріптестеріне денсаулық пен демалыс тілеп, жұмыста жоғары стандарттар орнатқанын атап өтті.
Ардагерлерге еңбектері үшін және пайдалану және жөндеу департаментінің директоры Алексей Скрябинге алғысын білдірді. Ол жас ұрпақ олардың үлгісін ұстанатынына және берілген жолақты ұстайтынына сендірді: «Мен Владимир Георгиевичке өмір мектебі үшін алғыс айтамын. Ол бізді үнемі тыңдап, еститін. Біз өз пікірімізді қорықпай айттық, дауластық, дәлелдедік, ренжідік, содан кейін одан кешірім сұрадық».
Владимир Георгиевич Шмелев өзінің энергетикадағы еңбек жолын 1982 жылы Б.Оразбаев ат. 1-ЖЭО-де электрослесарь болып бастады. Жөндеу инженері, аға кезекші электромонтер, электр цехының ауысым бастығы, станция ауысымының аға бастығы, қазандық цехының бастығы, 1-ЖЭО-да бас инженердің орынбасары болып жұмыс істеді. 1994 жылдан «АӨК» АҚ техникалық зерттеулер және талдау департаментінің бастығы. 2005 жылдан бастап пайдалану және жөндеу басқармасының бастығы. 2013 жылдан бастап «АлЭС» АҚ бас инженерінің орынбасары қызметін атқарды.
Ренат Науханұлы Диспетчерлік қызметтің бастығы Юлиан Кривоносов үшін тәлімгер және мұғалім болып табылады. Р.Н. Жангуттин 2008 жылдан бастап «АлЭС» АҚ диспетчерлік басқармасын басқарды. Бұл көп жылдық жедел-диспетчерлік жұмыс тәжірибесі бар, энергия көздері жұмысының ерекшелігін жақсы білетін және өңірдің энергетиктері арасында беделі жоғары басшы.
Алматы энергетикалық институтын бітіргеннен кейін Ренат Науханұлы Жангуттин өзінің еңбек жолын Алматы 2-ЖЭО-да электр монтері ретінде бастады. Содан кейін электр цехының ауысым бастығы, станцияның ауысым бастығы болып жұмыс істеді. 1997 жылдан бастап «АӨК» ЖАҚ Орталық диспетчерлік қызметінің аға диспетчері, бас диспетчері болып жұмыс істеді. 2008 жылы «АлЭС» АҚ-да диспетчерлік басқарма құрылған күннен бастап – басқарма бастығы. «АлЭС» АҚ-да жұмыс істеген уақытында Диспетчерлік басқаруды ұйымдастыруға және дамытуға зор үлес қосты.
Әсел Арғынбаева, экономика және қаржы жөніндегі басқарушы директор, Газия Жұмабайұлының кәсіпқойлығы мен болжамдарына әрқашан сенім артып, онымен бірге 10 бюджет пен инвестициялық жобаны жинап, қорғады.
Б.Оразбаев ат. 1-ЖЭО басқарушы директоры Әлібек Тастанбеков жылдар өтіп жатқанын, бірақ өмір жалғасып жатқанын атап өтті: «Сіздің денсаулығыңыз мықты бен көңіл-күйіңіз көтеріңкі болып зейнеткерлікке шығып бара жатқаныңыз ол бір қуаныш. Б.Оразбаев ат. 1-ЖЭО Өндірістік департаменті Исахан Ақтанұлына ерекше алғысын білдіреді. Станциямыздың есігі сіз үшін әрқашан ашық. Өзіңіздің денсаулығыңызға көңіл бөліп, өмірді барынша сүріңіз».
Жалпы мәселелер жөніндегі басқарушы директор Ернар Садырбаев өз ісінің осындай мамандарымен жұмыс істеген уақытын ерекше еске алды. Ол барлығының да Ғазий Исмухамбетов, Исахан Сырғабаев, Владимир Шмелев және Ренат Жангуттин сияқты мансап жолының болуын қалайтындыған шүбә келтірмеді.
Энергетик-кәсіпқойларды зейнеткерлікке шығару, компания ұжымы олардың даналығы мен тәжірибесін сақтап, Қазақстанның энергетика саласын дамытуды және жетілдіруді жалғастырады. Олардың есімдері Алматы энергетикалық жүйесінің тарихында адалдықтың, кәсібиліктің және қажымас еңбектің символы ретінде қалады. «АлЭС» АҚ ұжымы энергетиктердің қалдырған іздері болашақ ұрпақтарының жүрегі мен санасында қалатынын, оларға денсаулық пен жақсы көңіл-күй тілейтінін білдірді.