Депутат Сергей Пономарев А.Жақұтов атындағы 2-ші ЖЭО-ның жұмысымен танысты
2025 жылғы 9 қаңтарда А.Жақұтов атындағы екінші ЖЭО-на Қазақстан Республикасы Мәжілісінің депутаты Сергей Пономарев пен «AMANAT» партиясының өкілдері келді. Сапар аясында қонақтарға құрылыс алаңы таныстырылды және бу-газ қондырғысы (БГҚ) базасындағы жаңа станция құрылысының ағымдағы мәртебесі туралы айтылды.
«2-ЖЭО – Алматының энергетикалық қауіпсіздігін қамтамасыз ететін маңызды нысан. Бұл станция қаланы жылумен қамтамасыз етіп қана қоймай, экологияға да айтарлықтай әсер етеді. Біз жаңа технологияларды енгізу, энергия көздерін тиімді пайдалану және кәсіпорында іске асырылып жатқан ауа сапасын бақылау жүйелері туралы маңызды ақпарат алдық», – деп атап өтті Сергей Пономарев.
Сапар барысында депутат «АлЭС» АҚ-ның экологиялық мәселелерді шешудегі күш-жігеріне қолдау білдірді.
«Қазіргі уақытта еліміздің энергетикалық секторы айтарлықтай өзгерістерге ұшырауда және бізге тиімді және экологиялық жауапты шешімдер қабылдау қажет. 2-ЖЭО-да енгізілген инновациялар мен жоғары технологиялар осы бағыттағы маңызды қадам болып табылады. Мұндай кәсіпорындардың жұмысын қолдау және оларды одан әрі дамыту – біздің негізгі міндетіміз», – деп баса атап көрсетті Сергей Пономарев.
Сергей Пономарев Алматы мен Алматы өңірінің энергетикалық әлеуетін арттыру үшін 2-ЖЭО-ның маңыздылығын атап өтті. Жаңа станцияда жаңа технологияларды енгізу шығарындыларды сапалы бақылауды және ресурстарды ұтымды пайдалануды қамтамасыз ете отырып, өңірдегі экологиялық ахуалды жақсартуға ықпал етеді.
Депутат мұндай ауқымды жобаларды жүзеге асырудың табысты болуы көбінесе кәсіпорын ұжымының кәсіпқойлығы мен үйлесімді жұмысына байланысты екенін атап өтті.
Анықтама: «Қоршаған ортаға тигізетін әсерін барынша азайту арқылы Алматы ЖЭО-2-ні жаңғырту» жобасы Қазақстан Республикасының Президенті Қ.К.Тоқаевтың 2021 жылғы 10 шілдедегі Алматы ЖЭО-2 нысанында атмосфераға зиянды заттардың шығарындыларын төмендету, заманауи экологиялық таза технологияларды пайдалану арқылы электр энергиясы және жылумен жабдықтаудың сенімділігі мен тиімділігін қамтамасыз ету мақсатында жаңа бу-газ қондырғысын салуды қамтамасыз ету жөніндегі тапсырмасын орындау мақсатында іске асырылуда.