АлЭС: Төтенше жағдайлар министрлігінің «Қыс – 2022» штабтық оқу-жаттығулары өтті
2022 жылғы 24-25 қарашада «АлЭС» АҚ «Қыс-2022» республикалық командалық-штабтық оқу-жаттығуларына қатысты. 24 қарашада Алматы қаласының Төтенше жағдайлар бөлімінде жедел штаб құрылып, оқу-жаттығулардың теориялық бөлігі пысықталды. 25 қарашада тәжірибелік бөлім Б.Оразбаев атындағы ЖЭО-1, ЖЭО-3 және ЗТК өндірістік бөлімдерінде өтті. Болуы мүмкін төтенше жағдайлардың сценарийлері әзірленді: мазут цистернасындағы және цехтың өндірістік ғимаратындағы өртті сөндіру, 80 метрлік мұржадан және қосалқы ғимараттан «жарақат алған» жұмысшыларды эвакуациялау, электр желілерін қалпына келтіру және оларға медициналық көмек көрсету. «жарақат алған», «құлаған» турбиналық цех ғимаратында кинологтардың іздестіру-құтқару жұмыстары, газ құбырындағы апаттық қалпына келтіру жұмыстары, магистральдық құбырдағы апаттық қалпына келтіру жұмыстары.
– Оқу-жаттығудың басты мақсаты – қысқы жағдайда төтенше жағдайларды жоюға барлық қызметтердің әзірлік деңгейін арттыру. Ең алдымен, біз өзара әрекеттестіктің үйлесімділігі бойынша жұмыс істейміз. Шараға «АлЭС» АҚ-нан өндірістік бөлімдердің авариялық-техникалық бригадалары қатысты. Диспетчерлік қызмет жаттығуларда маңызды рөл атқарады, өйткені ақпаратты беру жылдамдығы, тиімділігі және дәлдігі оған байланысты. Оқу-жаттығулар барысында қойылған барлық тапсырмалар толығымен орындалды», – деді «АлЭС» АҚ Азаматтық қорғаныс және төтенше жағдайлар қызметінің бастығы Александр Довжик.
ЖЭО-3 директоры Серік Қалиев жұмысшылардың оқу-жаттығулар қажет екенін түсінетінін атап өтті Станция өмірді қамтамасыз етудің стратегиялық нысаны болып табылады.
– Оқу-жаттығулар өрт сөндіру, радиациялық қызметтердің, жедел жәрдем қызметкерлерінің, сондай-ақ АӨП авариялық-құтқару қызметтерінің бірлескен іс-қимылдары бойынша оқытуды қамтамасыз етті. Жер сілкінісі сценарийі бойынша бу мен судың бөлінуімен қазандық және турбиналық цехтарда құбырлар үзілді. Бұл ретте 3 адам эвакуацияланып, газдан уланған 2 адам зембілмен жүргізілді. Сонымен қатар, радиациялық қызметтермен локализацияланған аммиак контейнеріне зақым келген. Жаттығулар барлық қызметтердің жұмысының үйлесімділігін көрсетті», – деді Серік Қалиев.
Оқу-жаттығуларға азаматтық қорғаудың 17 қызметі тартылып, 200 адам мен 62 бірлік арнайы және авариялық-құтқару техникасы қатысты.