Ұжым бір отбасына айналған сәтте: 3-ЖЭО-дағы Наурыз мерекесі
3-ЖЭО аумағындағы станция жұмыскерлері мен «Энергожөндеу» ӨЖК ұжымына арналған Наурыз мерекесі көктемгі жаңару мен шынайы қуанышқа толы ерекше көңіл-күй жағдайында атап өтілді. Бұл күн күнтізбедегі жай ғана атаулы дата емес, бірлік пен дәстүрдің, сондай-ақ корпоративтік рухтың шынайы мерекесіне айналды.
Алаң таңертеңнен бастап музыка үніне және мерекелік дастархан иісіне толды. Жұмыскерлер үшін ерекше көңіл-күй сыйлаған жарқын концерт ұйымдастырылды – ол адамдар тек жұмыс істеп қана қоймай, ортақ бір ынта-жігермен өмір сүретін ұжымда ғана туындайтын ерекше жан жылуын сездірді.
Ұлттық ойындар бойынша жарыстар ерекше көтеріңкі көңіл-күймен өтті. Қатысушылар жарыстарға шынайы құлшыныспен кірісіп, бір-бірін қолдап, нағыз мерекелік рух пайда болды. Жеңімпаздар мен жүлдегерлер медальдармен, грамоталармен және ақшалай сертификаттармен марапатталып, олардың белсенділігі мен ұжымдық рухы өзінің лайықты бағасына ие болды.
3-ЖЭО Директоры Абзал Жақыпбаев пен «Энергия» жергілікті кәсіподақ ұйымының төрағасы Серік Тымбасбаев ұжым алдында өздерінің құттықтау сөздерін айтты. Олар өз сөздерінде ұлттық дәстүрімізді сақтау, ұжымдық бірлікті нығайту және ұрпақтар сабақтастығының маңыздылығын ерекше атап өтті.
Мереке жұмыскерлердің жүрегінде жылы сезім тудырды. ЭТЗ жетекші инженері Қанат Азимхановтың айтуынша, іс-шара жоғары деңгейде өтіп, барлық қатысушыларға жарқын көңіл-күй сыйлады:
– Наурыз мерекесі жоғары деңгейде өтті. Мұндай іс-шаралар ұжымды шын мәнінде біріктіреді; күнделікті жұмыстан бір сәтке алшақтатып, өзіңді үлкен команданың бір бөлігі ретінде сезінуіңе мүмкіндік береді, – деді ол.
Өздерінің алған әсерлерімен басқа жұмыскерлер де бөлісіп жатты. Көпшілігі дәл осындай сәттерде корпоративтік бірліктің күші айқын сезілетінін атап өтті:
«Өте жылы, жанға жайлы мереке болды. Барлығы – ұйымдастырудан бастап көңіл-күйге дейін ойластырылған. Ерекше қуантарлығы – іс-шараға барлық жұмыскерлердің түгелге жуық қатысуы; жастар да, тәжірибелі мамандар да атсалысты», – дейді ӨТБ метрология жөніндегі инженері Анель Садуақас.
«Наурыз мерекесі дәстүрімізге және адамдарға деген құрметтің көрінісі болып табылады. Бүгін бұл барлық жерде: концерт кезінде де, дастарқан басында да, әріптестердің көңіл-күйінен де сезіліп тұрды», – деді жабдықтарды жөндеу цехының бастығы Рахат Рахимбаев.
3-ЖЭО Бас инженерінің орынбасары Мұхит Бокбасаров:«Мұндай мерекелер шынайы бірлікті сездіреді. Әріптестердің күлімдеп, бір-бірін қолдап, бірге қатысып жатқанын көргенде – біз шынымен бір команда, бір отбасы екенімізді түсінесің», – деп ерекше атап өтті.
3-ЖЭО-дағы Наурыз мерекесі: АлЭС-тің күші – адамдарда, олардың ынтымақтастығында, бір-біріне құрмет көрсетуінде және тек бірге жұмыс істеп қана қоймай, шын қуанышқа бөлену қабілетінде екенін тағы бір мәрте көрсетіп берді.