Таза жағалау – бұл ортақ іс: «АлЭС» АҚ-ғы «Мөлдір бұлақ»
Сәуір айының басында, көктемгі жаңару және игі істер күндері – «Жарқын болашақ» жастар ұйымының өкілдері мен компания қызметкерлері – «Мөлдір бұлақ» экологиялық акциясы аясында бірікті. Сенбілік «Таза Қазақстан» жалпы ұлттық бастамасының бір бөлігіне айналды, өндірістік департаменттерді жұмыс ырғағымен ғана емес, маңызды іске қатысы бар ерекше сезіммен де толтырды.
2026 жылғы 3 және 4 сәуірде «АлЭС» АҚ өндірістік объектілерінің аумақтары мен маңындағы өзендер мен су айдындарының жағалауларын тазарту бойынша ауқымды жұмыстар жүргізілді. Жүздеген қызметкерлер сенбілікке табиғаттың табиғи тазалығын өз қолдарымен қалпына келтіру үшін шықты.
Бұл бірлескен жұмыста әр түрлі бөлімшелердің, әр ұрпақтардың және түрлі кәсіби салалардың қызметкерлері бір команда ретінде әрекет еткенде – бірліктің күші ерекше сезілді.
– Мемлекет басшысының табиғатқа ұқыпты қарау жөніндегі бастамасы қоғам тарапынан берік қолдауға ие болды және конституциялық деңгейде бекітілді. Бүгінгі таңда қоршаған ортаны қорғау тек мемлекеттік міндет қана емес, сонымен бірге әркімнің жеке жауапкершілігі болып табылады. «Таза Қазақстан» акциясы адамдарды жасампаздық және экологиялық мәдениет құндылықтары төңірегінде біріктіретін нағыз қозғалыс болды, – деп атап өтті Б.Оразбаев атындағы 1-ЖЭО өнеркәсіптік қауіпсіздік және еңбекті қорғау жөніндегі аға инспекторы Әділ Әбілдаев.
Сенбіліктің нәтижелері айтарлықтай: шамамен 5000 тонна қоқыс жиналды, шамамен 2 000 шаршы метр аумақ тазартылды. Арнайы техниканың көмегімен жиналған барлық қоқыстар жедел түрде шығарылды. Бірақ бұл сандардың артында тек орындалған жұмыс көлемі ғана емес. Бұл тазартылған жағалаулар, қалпына келтірілген табиғи орта және ортақ үлкен іске апарар мыңдаған кішкентай қадамдар.
– Тазару – тек қоршаған кеңістік туралы ғана емес. Бұл адамның ішкі күйі, табиғатпен үйлесімділікке деген ұмтылыс және саналы өмір салты туралы. Біздің ортақ Отанымыздың экологиялық тепе-теңдігін сақтау әрқайсымыздың қарапайым, бірақ маңызды қадамдарымыздан басталады, – деп атап өтті Каскад ГЭС-нің қоршаған ортаны қорғау жөніндегі инженері Наталья Митусова.
Акцияда компанияның жастары мен экологтары ерекше рөл атқарды. Олардың энергиясы мен белсенділігі: экологиялық мәдениет дейексіз ұғым емес, жеке мысал арқылы қалыптасатын күнделікті тәжірибе екенін көрсетті.
Дәл осындай бастамалар құндылықтарды іс-әрекетке айналдырады. Тазалық нормаға айналады және жауапкершілік корпоративтік мәдениеттің бір бөлігі болады.
«Мөлдір бұлақ» – бұл жай сенбілік емес. Бұл жүйелі жұмыс және болашаққа қосатын үлес, мұнда әрбір тазартылған аумақ келесі ұрпақ үшін экологиялық тұрақты ортаға жасалған қадам болып табылады.