Тарих жолдары: Галина Петровна ВЕРНИКОВСКАЯ, зейнеткерлікке шыққанға дейін Каскад СЭС-та автогараж диспетчері болып жұмыс істеді

– Мен Каскадқа 1976 жылдың қарашасында балабақшада аспаз болып жұмысқа орналастым. 2013 жылы автогараж диспетчері болып зейнеткерлікке шықтым, тіпті зейнетке шыққаннан кейін тағы үш жыл Каскадта жұмыс істедім.

Біздің балабақша ведомстволық, тәулік бойы жұмыс істейтін еді және ол толығымен компанияның қамтамасыз етуінде болды. Қазір есімде, сол кезде мұнда 55 бала бар еді. Балабақшада менің курстасым жұмыс істейтін. Ол менен оны уақытша алмастыруымды өтінді. Сол кезде менің кішкентай балам бар еді, бірақ мен оны алмастырып, солайша осында қалып қойдым.

1 982 жылы мені Каскадқа ауыстырып, күзетші етіп ресімдеді, бірақ мен қоймашы, кассир болып жұмыс істедім…

Сол заманда мұндай да мүмкін еді. Кейін мені диспетчер-жүргізуші етіп тағайындады. Мен жүргізушілерге жол парақтарын беріп, барлық машиналарға отын құйып, еңбекақы беріп отырдым. Бізде 23 жүргізуші бар еді. Ұжым өте тату еді, толық өзара құрмет болды. Мен зейнеткерлікке шыққанша автогаражда осылай жұмыс істедім.

Маған біздің кент қатты ұнайды. Адамдары сондай жақсы, жұмыс істеу өте оңай еді. Каскадтың тұрғындарға – өз жұмысшыларына деген қатынасы өте жанашыр, тиянақты еді. Мұнда барлығы дерлік Каскадтың қамқорлығында еді: мектеп, балабақша, тіпті дүкендер. Жаңа жылды біз әрқашан клубта бірге атап өтетінбіз, шыршаны өзіміз безендіріп, мерекелік бағдарлама құратынбыз. Өте көңілді және тату болды. Каскад басшылығының адамдарға деген мұндай қатынасы жұмысқа да оң әсер етті деп ойлаймын. Барлығы адал еңбек етті, ал кенттен көшіп кететіндер өте аз еді.