Сенім артуға болатын адам
Кез келген ұжымда сенім мен тұрақтылық сезімін тудыратын адамдар болады. Олар назар ортасында болғысы келмейді, бірақ дәл осы мамандар күнделікті жұмыстың бірқалыпты өтуін және тәртіп пен әрі өндірістің сенімді болуын қамтамасыз етеді. Каскад ГЭС ұмымында биыл мерейтойын атап өтіп жатқан гидравликалық инженерлік шеберхана жұмысшысы Ерік Қадыржанұлы Алинов дәл осындай адам ретінде танылған.
Ерік Қадыржанұлы 1966 жылы 22 сәуірде Шығыс Қазақстан облысы, Новоберёзовка ауылында дүниеге келген. Ол Каскад ГЭС-те еңбек жолын 2018 жылдың 6 қыркүйегінде бастады және содан бері гидротехникалық цехта табанды еңбек етіп келеді. Осы жылдар ішінде ол жауапты, тәртіпті және сенімді қызметкер ретінде танылды, қойылған міндеттерді сапалы орындайды және әріптестеріне әрқашан көмектесуге әзір.
Әріптестері Ерік Қадыржанұлының жұмысқа ерекше жауапкершілікпен қарайтынын және қосымша көмек немесе қолдау қажет болғанда ешқашан шетте қалмайтынын атап өтеді.
– Ерік Қадыржанұлымен бір командада жұмыс істеу оңай. Ол сөз бен істің адамы. Егер бір тапсырманы қолына алса – бәрінің сапалы және уақытылы орындалатынына сенімді болуға болады, – деді гидротехникалық цехтың бастығы Ерболат Мақанбаев.
Жылдар бойғы еңбегінде ол ұжымның құрметіне кәсібилігімен ғана емес, сонымен бірге адамдық қасиеттерімен – ізеттілігімен, ұстамдылығымен және кез келген жағдайда қолдай білуімен ие болды. Өзіне және айналасына талапшыл болғанына қарамастан, ол әрқашан адамдарға құрметпен қарайды және ұжымда жұмыс атмосферасын сақтайды.
– Оны сенімділігі ерекшелендіреді. Бұл жұмыста да, өмірде де сенім артуға болатын адам. Жас қызметкерлер одан әрқашан кеңес сұрай алады, – деп бөлісті ғимараттарды кешенді күтіп ұстау және жөндеу жөніндегі жұмысшы Асқар Сәтпаев.
Адал еңбегі мен міндеттерін үлгілі орындағаны үшін Ерік Қадыржанұлы «АлЭС» басшылығынан Каскад ГЭС-тің 75 жылдығына орай Алғыс хатымен марапатталды.
Мерейтой күні Каскад ГЭС ұжымы Ерік Қадыржанұлына мықты денсаулық, амандық, отбасылық жылулық және ұзақ жылдар бойы белсенді өмір тіледі. Жанында әрқашан жақын адамдары аман жүрсін, ал жұмысы құрмет, абырой және өз ісіне деген лайықты мақтаныш әкелсін.