Қуат көзіне кемел ойын: үстел теннисі АлЭС жұмыскерлерін бір арнаға тоғыстырды
Наурызнама мерекелік онкүндігіне орай өткен «АлЭС» АҚ спартакиадасы аясында бағдарламадағы ең қарқынды әрі тартысты спорт түрлерінің бірі – үстел теннисі бойынша жарыстар өтті. Бұл күні теннис үстелдерінің басында әртүрлі өндірістік бөлімдерден келген әріптестер емес, қозғалысқа деген құштарлық, жеңіске деген ұмтылыс және бір-біріне деген шынайы қолдау біріктірген пікірлес жандар бас қосты.
Алғашқы ойындардан-ақ тартыстың қызу болатыны байқалды. Қатысушылар тамаша физикалық дайындықпен қатар, стратегиялық ойлау қабілетін, сабырлылықты және жылдам шешім қабылдай білу шеберлігін көрсетті. Әрбір ұпай түрлі эмоциямен өріліп отырды, нақты фокустан бастап, әріптестердің қуанышты қол шапалақтауына дейін.
Алайда бұл күннің басты ерекшелігі тек спорттық сайыспен бірге ерекше атмосфера болды – жылы, шынайы әрі нағыз командалық рухқа толы. Мұнда тек өз командасының ойыншыларына ғана емес, қарсыластарына да қолдау көрсетілді. Өйткені АлЭС ұжымында адал ойын мен әрбір еңбекті құрметтеу жоғары бағаланады.
– Үстел теннисі – бұл спорт қана емес, бұл ойыңды сергітіп, жаңа күш алып, жағымды эмоцияға бөленудің тамаша мүмкіндігі. Әріптестердің жұмыс барысынан тыс, жаңа қырынан ашылып жатқанын көру өте қуантады, – деп бөлісті жарысқа қатысушы, А.Жақұтов атындағы 2-ЖЭО бухгалтерлік есеп бөлімінің бухгалтері Әлібек Абулкін.
Көптеген жұмыскерлер үшін спартакиадаға қатысу әлдеқашан ерекше көңіл-күймен күтетін игі дәстүрге айналған.
– Мен үстел теннисі жарыстарына бірнеше жылдан бері қатысып келемін. Әр жолы бұл жаңа эмоциялар, жаңа қарсыластар, әрине, жаңа таныстықтар. Осындай сәттерде біз бір-бірімізге жақындай түсеміз, ал бұл жұмыс барысында да сезіледі – өзара сенім мен командалық рух нығая түседі, – деп атап өтті Каскад ГЭС директоры Айғали Ермұрзаев.
Қатысушылардың арасында алғаш рет өз күшін сынап көруге бел буғандар да болды, дәл осындай сәттер жаңа жеке жетістіктердің бастауына айналады.
– Шынымды айтсам, бастапқыда қобалжыдым. Бірақ әріптестердің қолдауы ойынға тез араласып кетуіме көмектесті. Түсінгенім: ең бастысы – бастап көруден қорықпау. Бұл – бір керемет тәжірибе әрі өзіңе деген сенімді арттырады, – дейді 3-ЖЭО автоматика және өлшеу құралдарын жөндеу және қызмет көрсету жөніндегі электр слесарі Наталья Карагулина.
Турнир қорытындысы бойынша үздік ойыншылар анықталды. Алайда, бұл күннің жеңімпаздары әлдеқайда көп болды – жарысқа шыққан әрбір қатысушы дамуға, өзін жеңуге және корпоративтік бірлікті нығайтуға қадам жасады.
Үстел теннисі жарыстары АлЭС ұжымының тиімді жұмыс істеумен бірге, белсенді демалу мен салауатты өмір қалпын ұстанатындығын көрсетті. Мұнда ұжымның берік, біртұтас командаға айналуына септігін тигізетін дәстүрлер сақталады және қолданылады.