Каскад ГЭС: жөндеу – сенімділіктің негізі ретінде
Гидроэлектр станцияларының сенімділігі тек электр энергиясын өндіру сәтінде ғана емес, сонымен бірге одан әлдеқайда бұрын – цехтарда, агрегаттарда, жоспарлы жөндеулер барысында қалыптасады. Каскад ГЭС-те станцияның бүгінгі тұрақтылығын және алдағы жылдарға ресурсын анықтайтын жөндеу науқаны жалғасуда.
Каскад ГЭС ұжымы – бұл күн сайын жабдықтардың тұрақты жұмысын қамтамасыз ететін 120 маман. Бұл процесте станцияның барлық жүйелерінің техникалық жай-күйіне жауап беретін 20 жоғары білікті қызметкер – жөндеу персоналы шешуші рөл атқарады.
Жыл сайын бекітілген кестеге сәйкес гидроагрегаттар мен қосалқы жүйелерге ағымдағы және күрделі жөндеулер жүргізіледі. Ағымдағы жұмыстар станцияның өз күшімен, Электрмашиналық, Гидротехникалық және Автоматика, өлшеулер және байланыс цехтары персоналының қатысуымен жүзеге асырылады.
Мұндай тәсіл диагностика дәлдігін, ақауларды уақтылы жоюды және жоспардан тыс тоқтаулардың алдын алуды қамтамасыз етеді. «Өз күшімізбен» жұмыс істеу – тек экономикалық тиімділік емес, сонымен бірге жоғары ішкі жауапкершілік, жабдықты терең білу және нәтижеге сенімділік дегенді білдіреді.
– Станцияның сенімділігі әр қызметкердің жауапкершілігінен басталады. Біз негізгі жұмыстарды өзіміз орындауға қабілетті мықты жөндеу командасына ие болғанымызға мақтанамыз. Бұл ұжымның кәсіби жетілгендігін және жоғары техникалық мәдениетін көрсетеді, – деп атап өтті Каскад ГЭС директоры Айғали Ермұрзаев. – Каскадтың күші – адамдарда және олардың іске деген көзқарасында.
Азамат Сағадиев, өндірістік-техникалық бөлімнің бастығы: «Жөндеу – бұл талдау, жоспарлау және регламенттердің қатаң сақталуына негізделген жүйелі жұмыс. Біз тек ескертулерді жоймаймыз, керісінше алдын ала әрекет етіп, жабдықтың қызмет ету мерзімін ұзартып, тәуекелдерді азайтамыз. Мұндай тәсіл өндірістік процестің тұрақтылығын қамтамасыз етеді» – деп атап өтті ол.
Агрегаттар желіге ақаусыз шыққанда, станция кез келген маусымда және кез келген жүктеме кезінде тұрақты жұмыс істегенде, бұл сахна артында тұрған адамдардың еңбектерінің нәтижесі.
Жөндеу науқаны – бұл сенімділікке инвестиция салу, ұжымның кәсіби күшін растау және Каскад ГЭС өзінің негізгі миссиясын – өңірді тұрақты және қауіпсіз электр энергиясымен қамтамасыз етуді жалғастыра беретініне кепілдік беру.
Дәл осы жерде – станцияның шынайы күші: нәтижеге сөзбен емес, іспен жауап беретін адамдарда екендігі дәлелденеді.