«АлЭС» АҚ қызметкерінің триумфы: Дәулет Қарамолдаев бильярдтан Қазақстан кубогын жеңіп алды!

2025 жылдың қаңтар айының соңында «Бастау» бильярд клубында беделді рейтингтік турнир «Қазақстан құрама пирамида кубогы» өтті. Бұл сайыстарда Батыс Жылу Кешенінің Электротехникалық цехының бастығы Дәулет Қарамолдаев өзін тамаша көрсете білді. Оның жеңіске жету жолы шеберліктің, табандылықтың және мінсіз ойынның үлгісі болды!

Дәулет қарсыластарына еш мүмкіндік қалдырмай, турнирді сенімді жеңістермен бастады. Ол ширек финалда дәлдік пен стратегиялық ойлау қабілетін көрсетіп, Әзімхан Урунбаевты 5:1 есебімен жеңді. Жартылай финалда оны салмақты қарсылас – спорт шебері Ернұр Ғабдулқайыр күтіп тұрды. Қарсыласының мәртебесіне қарамастан, тартысты өткен ойында Дәулет 5:3 есебімен жеңіске жетіп, финалға шығу құқығына ие болды.

Теміртаулық спорт шеберіне кандидат Медет Тұяқовқа қарсы шешуші кездесу нағыз сынақ болды. Дегенмен, Дәулет салқынқандылық танытып, ойынды 5:3 есебімен аяқтап, жоғары деңгейін тағы да растады. Осылайша, Дәулет Қарамолдаев құрама пирамида бойынша 2025 жылғы Қазақстан чемпионы атанды!

Дәулеттің жетістігі тек жеке жетістігі ғана емес, сонымен қатар «АлЭС» АҚ ұжымының мақтанышы. Оның кәсіби жауапкершілікті салмақты спорттық дайындықпен ұштастыра білуі таң қалдырады. «Мұндай жеңістер бәрімізді өмірдің барлық саласында жоғары жетістіктерге ұмтылуға шабыттандырады», – деп атап өтті Батыс Жылу Кешеніндегі әріптестер.

Дәулет Қайратұлын лайықты чемпион атағымен шын жүректен құттықтаймыз! Сізге жаңа жеңістер тілейміз – бильярд үстелінде де, кәсіби шеберліктің эталоны болып қала беретін жұмысыңызда да. Сіздің үлгіңіз әрқайсымызды биіктерге жетуге ынталандырсын!

«АлЭС» АҚ өз батырларымен мақтанады!