Жиі қойылатын сұрақтар мен жауаптар

«АлЭС» АҚ электр станциясының электр қуаты – МВт

Алымда – белгіленген қуат, бөлгіште-қолда бар отраша жылдық қуат мөлшері көрсетілген 

«АлЭС» АҚ энергия көздерінің жылу қуаты, Гкал

Алымда – белгіленген қуат, бөлгіште-қолда бар отраша жылдық қуат мөлшері көрсетілген 

«Алматы электр станциялары» Акционерлік қоғамы («АлЭС» АҚ) – Алматы қаласы мен Алматы облысында жылу мен электр энергиясын өндіру жөніндегі қызметті жүзеге асыратын энергия өндіруші ұйым. 

«АлЭС» АҚ Алматы өңірін шамамен 70% электр және жылу энергиясымен қамтамасыз етеді, жылу энергиясын өндіру бойынша табиғи монополия субъектісі және электр энергиясын өндіру бойынша үстем жағдайға ие нарық субъектісі болып табылады.

«АлЭС» АҚ «ҚазТрансГаз» АҚ-ның 23.05.2006 ж. №92 шешімі негізінде құрылды және 01.06.2006 ж. тіркелді. Заңды тұлғаны мемлекеттік тіркеу нөмірі 88-1910-АҚ. Қазіргі уақытта қоғам «Самұрық-Энерго» АҚ компаниялар тобына кіреді.

«АлЭС» АҚ ұйымдық құрылымына 8 өндірістік бөлімше (департаменттер) кіреді:

1. 1-ЖЭО – жылу және электр энергиясын өндіру орталығы;

2. 2-ЖЭО – жылу және электр энергиясын өндіру орталығы;

3. 3-ЖЭО – жылу және электр энергиясын өндіру орталығы;

4. Қапшағай ГЭС-і – электр энергиясын өндіру;

5. Каскад ГЭС-і – электр энергиясын өндіру;

6. Батыс жылу кешені (БЖК) – жылу энергиясын өндіру;

7. «Энергожөндеу» өндірістік жөндеу кәсіпорны (ӨЖК) – «АлЭС» АҚ жабдықтарын жөндеу;

8. Отынды қабылдау және түсіру орталығы (ОҚТО) – «АлЭС» АҚ энергия көздері үшін отынды қабылдау және түсіру орталығы.

Қазіргі уақытта Алматы қаласы мен облыс бойынша электр энергиясы мен қуаты нарығының 70%-ын «АлЭС» АҚ энергия көздерінен және қалған 30%-ы электр энергиясын Павлодар-Екібастұз энергия торабынан (Екібастұз 1-ГРЭС және 2-ГРЭС – 20%), Мойнақ ГЭС-інен (7%) және ЖГРЭС-тен (3%) сатып алу есебінен қамтамасыз етіледі.

Электр энергиясының негізгі тұтынушылары энергиямен жабдықтаушы ұйым – «Алматыэнергосбыт» ЖШС, өзінің шығындарын өтеу үшін электр энергиясын сатып алатын «АЖК» АҚ болып табылады.

Жылу энергиясының негізгі тұтынушысы «Алматы жылу желілері» ЖШС болып табылады, ол Алматы қаласын жылумен жабдықтаудың орталықтандырылған аймағының тұтынушыларын жылу энергиясымен жабдықтауды қамтамасыз етеді. 

«АлЭС» АҚ негізгі жеткізушілері: байытылмаған көмір жеткізушісі «Богатырь Көмір» ЖШС, газ жеткізушілері «ҚазТрансГаз-Алматы» АҚ, «Алматы газ желілері» ЖШС, отын мазутын жеткізуші – «ҚазМұнайГаз – өндеу және маркетинг» АҚ, суық суды жеткізуші – «Бастау» МКК болып табылады.